Tuesday, January 03, 2006

אַ גאנץ יאָר פּסח

איך האָב נאָר װאָס אַװעקגעלײגט דעם חנוכּה־לאָמפּ און אָנגעהױבן טראַכטן װעגן פּסח. דעם אמת געזאָגט, טראַכט איך װעגן פּסח אַ גאַנץ יאָר. עס איז נישטאָ קײן זמן אין יאָר, אַפֿילו נישטאָ קײן טאָג אין יאָר װען איך טראַכט נישט װעגן פּסחים װאָס זענען געװען, און נאָך מער װעגן דעם פּסח װאָס קומט, און קומט גיכער װי עץ מײנט. דאָס בלאָגעלע איז אַ קינד „The Chocolate Lady’s Vegetarian Peysekh Survival Guide”, אַ בלעטל רעצעפּטן און פּירושים װאָס האָט זיך אָנגעהױבן מיט אַ יאָר צװעלף צוריק װען אַ פּאָר מיטסטודענטן האָבן מיר געזאָגט אַז זײ פֿילן זיך נישט זאַט אַ גאַנצן פּסח.

ביז פּסח װעל איך בלי־נדר אָנבלאָגעװען אַן אַרכיװ פֿון אַלע אַלטע „פּסח־עגװײַזערס“ װאָס איך האָב צו דער האַנט. עטלעכע צװישן 1996 און 2001 זענען נעלם געװאָרן. אַז עץ האָט באַקומען אײנעם פֿון זײ, שיקטס אים איבער מיט דעם אײבערשטנס הילף.



די נאַכט פֿונעם סדר
און אַ גאַנץ יאָר כּסדר
װעלן מיר לױבן
דעם פֿון אױבן

אַ שבֿח והודו
למי שאמר והיה
פֿאַר דעם בורא
כּל עולמים

בשירי דוד המלך
װעלן מיר זײַן פֿרײלעך
פֿרײלעך, פֿרײלעך, פֿרײלעך
װעלן מיר זײַן

אַ גאַנץ יאָר פֿרײלעך
לכּבֿוד דעם מלך
לכּבֿוד דעם מלך, מלך המלכים

נעלם װערן
to vanish

לױבן
praise

לכּבֿוד
to honor

בשירי דוד המלך
with the songs of King David

אַ שבח והודו
praise and thanksgiving (a shevakh ve hoydo)

בורא כּל עולמים creator of all worlds (boyre kol oylomim)

Labels: ,

2 Comments:

Anonymous yaffa glass said...

just wondered if you could please help, How do you say: to be disappointed in Yiddish?
My email address is martin18.glass@ntlworld.com
many thanks
Yaffa

10:28 AM  
Blogger NohrMaal said...

disappointed =antoisht

this site has a yiddish/english dictionary (transliterated)

http://www-old.ectaco.com/

10:51 AM  

Post a Comment

Links to this post:

Create a Link

<< Home