פּסחדיק שאָקאָלאַד־קאָקאָסנוס טאָרט

פּסחדיק שאָקאָלאַד־קאָקאָסנוס טאָרט

7 אָנצן שאָקאָלאַד

1 קאָקאָנוס (אַן ערך 7 אָדער 9 אָנצן)

1 טעפּל צוקער (7 אָנצן)

7 װײַסלעך

אָנצוגרײטן דעם קאָקאָסנוס

װאַרעמט'ץ אָן דעם אױװן אױף 375. שטעכט'ץ אַדורך 2 פֿון די 3 לעכערלעך אין קאָקאָסנוס און גיסט'ץ אַרױס דאָס קאָקאָנוס װאַסער. טרינקט'ץ עס װי עס שטײט און גײט, אָדער מישט'ץ עס אױס מיט עפּעס אַנדערש. װאַרעמט'ץ דעם קאָקאָסנוס אין אױװן אַ 20-25 מינוט. װיקלט אים אײַן אין אַ האַנטטוך און צעשמעטערט'ץ אים מיט אַ האַמער. װען ער איז קיל גענוג, רײַסט'ץ אָפּ דאָס פֿרוכט־פֿלײש פֿון דער שאָלעכץ. עס װעט האָבן אַ דינעם, ברױנעם הײַטעלע, װאָס װעט גאָרנישט שאַטן דעם רעצעפּט, אָבער אױף אַ װײַסע קאָקאָנוס מילך אָדער עפּעס אַזױנס, קאָנט'ץ עס אָפּשײלן.

אָנצוגרײטן דעם טאָרט

װאַרעמט'ץ אָן דעם אױװן אױף 325. צעמאָלט דעם שאָקאָלאַד, קאָקאָסנוס און צוקער אין אַ מאָלער אָדער פּראָצעסירער. טו דאָס געמיש אַרײַן אין אַ שיסל. אין אַן אַנדער שיסל, צעשלאָגט'ץ די װײַסלעך אױף שנײ. פֿאַלדעװעט'ץ די װײַסלעך אַרײַן אינעם שאָקאָלאַד געמיש און גיסט'ץ אַרײַן אין אַ באַק־טאָפּ. באַקט''ץ אַ 45 מינוט.

דער טאָרט איז געשמאַק װי די װעלט. איך שעם זיך אַ ביסל ענק אױסצוּװײַזן װי גרינג ער איז אָפּצובאַקן.

װי עס שטײט און גײט
As is (vi es shteyt un geyt)

אַדורכשטעקן
To pierce (adurkhshtekn)

צעשמעטערן
To smash (tseshmetern)

אָפּרײַסן
to pry out (opraysn)

הײַטל
membrane (haytl)

This recipe appeared in English here